بەمەبەستی بەسەركردنەوەی فێرگەی فرێمینگ بۆ وێنەی رۆژنامەوانی، كونسوڵی گشتی ئەمریكا لەهەرێمی كوردستان سەردانی فێرگەكە لەشاری هەولێر دەكات و لەگەڵ ستافی فێرگەكە كۆدەبێتەوە و بەشە جیاوازەكایش بەسەردەكاتەوە.

رۆب والەر كونسوڵی گشتی كونسوڵخانەی ئەمریكا لەهەرێمی كوردستان لەسەردانەكەیدا لەگەڵ سەفین حەمید بەڕێوبەری فێرگەی فرێمینگ بۆ وێنەی رۆژنامەوانی و بەشێك لەستافی فێرگەكە باسیان لەڕۆڵی وێنەی رۆژنامەوانی لەگەیاندنی بەسەرهات و روداوەكان و وشیاركردنەوەی كۆمەڵگاكرد.